यती मिठो संगित धुन मसँग नि गाउ प्रिया,
सपनिमा मात्रै किन, बिपनिमा आउ प्रिया ।

मेरो रुप देख्दा तिमी, तर्की तर्की हिँड्ने गर्छयौ,
दुख्छ सार्है, त्यसो गर्दा अजङ्गको घाउ प्रिया ।

कती राम्रो, कालो चुल्ठो, फुल किन नसिउरेको?
गुराँस टिपी ल्याएको छु, कपालमा लाउ प्रिया ।

जिन्दगीको लामो बाटो, एक्लै  हिँड्न सकिँदैन्,
प्रितको त्यो मिठो कसम मसँग नै खाउ प्रिया ।

घरका खाँवा, भित्ताहरु तिमीलाई नै खोजिराछन्,
ईश्वरको घरमा पनि राख तिम्ले पाउ प्रिया ।